رواية حب من طرف واحد
“حب من طرف واحد”*
بقلم/ إيمان فتوح
عنيت أيام تُقال
كان كل شيء مُحال
كان كل حلمي يحبني
مكنش هدفي غيره
ازاي هكون لغيره
محبنيش..
بعد كل ده و محسنيش
عانيت معاه كتير
قلبي حبه بضمير
ضحيت عشانه أوي
وهوا باعني ب القوي
رمي طوبتي
قال مش حبيبتي
محبتكيش
قولتله من غيرك مقدرش أعيش!
قالي عيشي
بكرة تلاقي غيري وأحسن
وابعدي عني أحسن
مش هحبك
ولا عمر قلبي كان لقلبك
ولا عمره مرة دق ليكي
ولا شوفت فرحتي فيكي
كلامي ليكي بكل صراحه
ابعدي عني..
صدقيني هتكوني مرتاحه
فضلت ساكته مبلمه
و من جوايا متألمه
بقوله لا متسبنيش
قالي رجوع مفيش
واصلا من امتي واحنا مرتبطين
م قولتلك أننا اخوات من زمان!
انتي بس بتنسي كتير
عارف إنك حنينه وقلبك كبير
سامحيني لكن..
حاولت إني احبك بس فشلت
قلبي لسه معاها لحد دلوقت
منسيتهاش ومش هنساها
وكل حته فيه متعلقه بيها
لساني عايش ع ذكراها
والحب جوايا اتخلق بس ليها
سامحي وانسي وبكرة تقسي
بس اوعي تدعي..
اوعي تدعي عليا
شاهد:رواية نجوم الظهيرة بقلم علي نمر
انا حاولت لكن مش ب ايديا
قلبي هوا اللي فرض عليا
وحُبك مليش نصيب فيه
وقلبك احميه للي يستاهله
بكرة يلاقي أهله
اللي يجملوه ويبنو فيه
ولو ع الكسر ممكن اداويه!
ضحكت وقومت بصاله
قولتله ده أنت قَتَّاله
وكمان تقولي طبيب
ياخي ده حتي عيب
روح وسلمت أمري لربي
وبكرة راجعلي حقي
قالي تاني سامحي
قولتله مفيش دوي يداوي جرحي
قالي صدقيني بكرة تنسي
قولتله الوجع بيخف بس آثاره مستحيل هتمحي
وكله ب ايد ربنا
زي م حط حبك ف قلبي
يقدر ياخدني أنا
ادعيلي بس أنت بالموت
كان ف حالة سكوت
ساكت تماما ويبص ف الأرض
وانا سيبته ومشيت
وف طريقي بكيت
وقولت يارب موتني
يارب مش عاوزه أموت كافرة
يارب معدش فيا حيل للمعافرة
كنت ماشيه ف طريقي معميه
وفجأه خبطتني عربية
وروحي راحت للسما
وجسمي كان مكانه هنا
مرمية ف الارض ودمي سايل حواليا
والناس بتصرخ شيلوها دخلوها العربية
هاتو اسعاف بتموت
وانا فرحانه ببرود
الموت جمييل أوووي
شايفاني حلوة منورة
الدنيا طلعت مسخرة
متسواش حاجه ف الآخرة
كفاياكو فيها معافرة
اذكروا الله وانسو البشر
العمر اي غير سنين وهيعدو ف يومين
مسيركم يوم للتراب راجيعين
محدش فينا هيفلت من الحساب
مات الألم مات الوجع
وبقيت سعيدة حاسه بفرح
خلاص ارتحت من العذاب
خلاص ده من كتر الوجع قلبي داب
خلاص بقيت سراب
افتكروني ف دعواتكم
ومتنسونيش ف صلاتكم
رساله من روح مهاجرة الحياة
وارتاحت من كتر قولة كلمة آه.
