قصة المقصود بالحب

باللهجةِ المصرية تُسردُ لنا بعض من الأحرف المنسقة التي تجبرك على أن الانتشاءِ من القراءة، تُقص عليكم القصة تحت اسم “المقصود بالحب”

☆بقلم/ريم النحَّاس☆

_اوعدوني تبقوا جمبي تطمنوني ..اوعدوني مهما كان مش هتسيبوني …وسرحت وانا بغني لحمزه نمره وحسيتني بغنيلك انت وفجأه لقيتك واقف ف البلكونه بتاعتك اللي قصداى ع طول ..مظهرك دلوقت فكرني باول مره شوفتك فيها لما كنت بنشر الهدوم ف البلكونه بتاعتي اللي ف السكن وطلعت انت من العماره اللي قصادى ع طول كنت بتكلم صاحبك اللي اسمه خالد وبتقوله يعمل فطار لقيت نفسي سرحت فيك وف ملامحك اللي مش واضحه اوى بحكم المسافه اللي بين العمارتين بس اللي كنت شيفاه انك وسيم التيشرت الكحلي والجينز الاسود كانوا رائعين صراحه وفجأه انت بصيت نحيتي فدخلت انا بسرعه من غير ما اكمل حتي نشر الهدوم وخليت يومها هاجر تكمل دا غير لما دفعلي فلوس الخضار ..

ولما اتخبطت فيه ف السوبرماركت … …صحيت من تأملي فيك ع انك بالفعل بتبص نحيتي قفلت الشبك ودخلت لبست عشان انزل اجيب الروايه بتعات تميمه نبيل ..نازله ع السلم وبكمل غني مهي الانشوده لازم تخلص وطالعه من بوابه العماره لقيتك ف وشي ..اتوترت ورجعت خطوه ل وراا ووقتها سمعت الصوت اللي كان نفسي اسمعه طول عمرى ولقيته زى ما كنت عايزاه واجمل فقت من جمال صوتك وانت بتقولي :طب ردى السلام طيب وبتبتسم ..ي ربي ع الجمال اى ده …اي ده فعلا ده ..ده طلع عنده غمازه ف دقنه ادفن نفسي ولا اعمل اي رديت بصوت واطي :

وعليكم السلام ممكن اعدى ..ساعتها انا كنت هموت من الاحراج وانت بترد بهزار :متعدى هو انا جيت جمبك اي التلاكيك دى الواحد لسه مجاش جمبها وتقولي عديني امال لو كنت جيت جمبها انا وقتها كنت عايزه اضربه بس مش هقدر طب اضرب نفسي لا بردو هيقول عليا هبله لقتني بقول :اي ي استاذ ف اي لده كله انا مقولتش غير عديني لزمته اي الكلام ده ..بص هو باحراج قال: انا مش قصدى حاجه انا كنت بهزر بس رديت بهدوء عكس اللي جوايا خالص وقولتله :حصل خير ممكن اعدى لان كده المعرض هيقفل ..ايه اللي انا بقوله ده معرض ايه اللي بكلمه عنه …

شاهد: مَن لا يُنسى

انا هقتل نفسي واللي يحصل يحصل ..لقيته مبتسم كده وبيقولي بفرحه :اناي رايحه معرض الكتب انا كمان كنت رايح اي الصدفه الجميله دى.. انا تنحت وهنا كان وقت الدبش بتاعي :ايوه يعني عايز اي وتخنت صوتي فجأه لقيته بيضحك جامد ..انا قلبي كان هيقف من صوت ضحكته ي ربييي ع الجمال اى الكائن ده ..قالي :انا اسف والله مقصدش حاجه ..اممم طب بصي انا همشي قدامك ونروح لسه هقاطعه قالي مش هخطفك والله بس مينفعش تمشي لوحدك دلوقت اخاف عليكي ..

يخاف عليه ازاى لسه هسأله لقيته مشي قدامي ..دبدبت ف الارض انا معدتش فاهمه حاجه فضلت اكلم ف نفسي “جرا اي ي غبيه انتي بتنحيله لي بس فيه اي يعني مهو واحد زي اي واحد لا مش زى حد دا احسن حد قابلته ف حياتي طب ازاى وانا معرفش عنه اي حاجه هتضيعي نفسك تانى وتعيشي ع وهم “لقيته وقف فجأه وبيقولي :

يوسف.. رفعت حاجبي بمعني مش فاهمه..قالي :اسمي يوسف ف خامسه صيدله ..هزيت راسي زى الهبله ومردتش فضل بيبصلي شويه وقالي :وانتي ..قلتله :انا اي ضحك وقالي :اسمك اي حاجه خبطت ع راسي بايدى وقلتله :معلش ماخدتش بالي حمحمت شويه وقلتله :مريم تانية علم نفس هز راسه وقالي اتشرفت بيكي ي مريمتي برقت ساعتها وقلبي دق جامد وقولتله وصوتي مش راضى يطلع :انت قولت اي.. ابتسم ع جمب كده وقال:متاخديش ف بالك …

وصلنا ودخلت ع كول ع روايه بعينيك وعد انا كنت عارفه مكانها لانى جيت هنا قبل كده جيت ادير لقيته ورايا وبيبصلي بنظره مفهمتهاش وقتها :تميمه نبيل ؟ قولتله :اه في حاجه غربيه قال :لا بس دى الكاتبه المفضله عندى ..ورغم عشقي لتميمه وروايتها الا انى غرت منها جدا ف الوقت ده هزيت راسي ومشيت احاسب ع الروايه لسه بدى للراجل الفلوس لقيته مسك ايدى وقالي :انا موجود ع فكره ودفع هو وطلع من المحل فضلت واقفه متصنمه مكانى فقت والراجل بيقولي: عايزه حاجه تانيه ي انسه هزيت راسي بلأ وطلعت لقيته مستنيني ومشي قدامي ..

شاهد: عالم آخر

مشيت وراه وانا سرحانه ف اللي بيحصل وحاسه انى بحلم ..الشخص اللي بقالي سنه كامله براقبه ف صمت ونفسي اعرف عنه اي حاجه ماشي قدامى عشان خايف عليا ودفعلي فلوس الروايه وطلع اسمه يوسف وصوته وشكله وغمازته كل حاجه زى ما كنت بتمني طلعت فيه فضادلت ماشيه وانا ف ملكوت تاني لغايه ما خبطت ف حاجه جامده جايه ابص فوق لقتني سانده عليه ودماغي ع صدره اتنحنح وبعد بسرعه

وقالي :وضعنا ده هيتفهم غلط وانا مش همسك نفسي وهيبقي فعل فاضح ف الطريق العام تنحت تانى مش فاهمه لقيته ضحكك وبيقولي :هو اناي ع طول سرحانه كده انا ملاحظ ده بقالي سنه ..اي سنه وهو يعرفني من سنه طب ازاي جيت ابصله عشان يفهمني قالي امشي بس وهتفهمي كل حاجه ف وقتها ..بالمناسبه هو رقم والدك كام عشان عايزه ف موضوع حياه او موت ..وقام ضاحك ي جدعان حد يقوله يبطل ضحك والله قلبي هيقف من حلاوته اديته رقم بابا وانا مش فاهمه وهو مش راضي يفهمني وصلني لغايه السكن وقالي خدى بالك من نفسك ي مريمتي ومشي ..وهو بيغني ..اوعدوني تبقوا جمبي تطمنونني.