كان يوم حبك أجمل صدفه

بقلم/أسماء رشدي

كان يوم حبك أجمل صدفة

_لا كدا مش هينفع محتاجه حد أفضفضله وبعدين أقتله

_ طب ليه الشر ،أنا هنا فضفضيلي

_يماما أنت ازاي سمعتني وانا بكلم نفسي في سري ،أنت دخلت جوا سري

_ أنتِ شكلك هبله ،لا أنتِ كان صوتك عالي وسمعتك ،بس يعني مش حوار

_ أنا هبله يا أحول يا معفن

_ متلمي نفسك يابت أنتِ إيه قله الأدب دي

*زعقلي جامد وخفت منه ،أنا أصلا مش بحب حد يزعقلي بعيط ،عيني أتملت بالدموع وخلاص هعيط*

_ لا خلاص متعيطيش حقك عليا أنا الي أهبل إرتاحتي كدا
_*ضحكت جامد علي طريقته*

_ أنت إسمك إيه طيب

_*قال وهو بيشد اللياقه بتاعه القميص بفخر كدا* الدكتور عمر الدمنهوري ،دكتور نفسي ممتاز علي فكره ياما قعدوا قعدتك دي وراحوا أنتحروا ،إسمعي مني وأنا هفيدك

_طيب يادكتور أنا ياسمين ،المفروض دكتوره أطفال ،بس مبشتغلش

_هعمل فيكي جميله وهشغلك معايا في المستشفي بتاعتي ،يلا عدي الجمايل

_بتهزر!

_لا طبعا بتكلم جد الجد كمان

_ أنا مش عارفه أقولك إيه فعلا حقيقي شكرًا جدا ليك

_محدش بيشكر صاحبه مش إحنا بقينا إصحاب خلاص

_طبعا ،أنا يشرفني دا يادكتور

_شيلي الألقاب وخليها عمر بس ،ويفضل عموري

_طيب ياعمر بس ،هستلم شغلي إمتي

_مستعجله أوي أنتِ، عالعموم من بكرا يا ستي لو تحبي

_ستي إيه دا أنا قد عيالك

شاهد:رواية الحنين وآلام أخرى

_فعلا بطولك دا إنت كدا كلك علي بعضك

_لا في حبه سبتهم في البيت هجيبهم معايا المره الجايه

_ظريفه أوي أنتِ ،إيه دا

_ملكش دعوه ،ويلا بقا سلام وهاجي بكرا

_إستني يهبله انتِ عرفتي مكان المستشفي فين ولا إسمها إيه
_لا

_مش بقولك هبله ،تعالي بكرا مستشفي…. ،إسألي عن مكتبي وأنا هكون في إتتظارك

_أنا حقيقي متشكره جدا ،هو ينفع أبوسك

_لا سمعت إنه لا يجوز ،بس المهم برده هتفضفضيلي ومش هتقتليني

_لا مش هقتلك خلاص أنت بقيت صديق عزيز

_هستناكي بكرا أوعي تتأخري
_من النجمه هتلافيني عندك

*خلص اليوم وكنت مرتاحه جدا ،سبحان الله يكمن ربنا حط عمر دا في طريقي عشان هو الخير ،هو إنسان كويس جدا ،ودمه خفيف أوي ،وأخيرا هشتغل أنا فرحانه جدا*
*تاني يوم صحيت بنشاط ،ولبست هدومي ،وقلت لماما ،ونزلت رحت المستشفي ،كنت متحمسه زي أول يوم في المدرسه بالظبط،وصلت المستشفي كان شكلها جميل جدًا ،دخلت وسألت علي مكتبه ورحت خبط عليه*
_أدخل
_صباح الخيرات
_صباح النور ،نورتي مكتبي المتواضع
_ها هبدأ شغل أمتي
_مالك متحمسه كدا ليه
_أنت مش متخيل بحب شغلتي قد إيه ولا الأطفال بحبهم جدا
_تعالي معايا هوريكي مكتبك
_اشطا يلا بينا
_في دكتوره تقول كدا
_فكك ياعم
_عم! مفيش فايده

*وصلت مكتبي وكان جميل جدًا ،ارتحت جدا فيه*

_خلصي وعدي عليا في المكتب عايزك في موضوع

*أول يوم ليا كان جميل جدا ، مارست شغلي بكل نشاط وحب ،لما خلصت رحت لعمر المكتب بتاعه*

_أنا جيييت

_نورتي ،ها إي أخبار الشغل معانا

_جميل جدا أنا حبيته أوي

_طيب *وبعد كدا إتكلم بكل جديه* كنت عايزك في موضوع

_إتفضل

_إحكيلي مالك ،يلا هنقعد كل يوم ساعه مع بعض بعد الشغل ندردش شويه

_مفيش حاجه يابني أنا كويسه

_لا فيه يلا أنا دكتور برضه مش أي حد

_تمام يادوك هحكيلك
*بدأت أحكيله كل الي مضايقني وكنت حاسه براحه كبيره ،وكمان فرحانه أن فيه حد قدر يفهمني أخيرًا ،كل يوم كنا بنقعد ساعه زي ما قال نتكلم ،في يوم كنت راجعه مبسوطه جامد ،حاسه إني لقيت حاجه كانت ضايعه مني وقعدت أغني*
_باين حبيت ،أيوه أنا حبيت
*جات ماما علي صوتي*
_مالك ياهبله

_لقيته ياماما أخيرًا أيوه هو دا الي كنت بدور عليه

_ربنا ينولك الي في بالك يابنتي ،وكمان متعمليش حاجه غلط ،فهماني ياياسمين يابنتي

_متقلقيش خالص ياماما

*عمر بالنسبالي كانت حاجه كبيره ،أنا كل يوم بشكر ربنا إني قابلته صدفه ،وكنت بتمني إن هو كمان يكون بيبادلني نفس الشعور*
*في يوم كنت رايحه الشغل كالعاده ،دخلت المكتب ،ونورت النور لقيت الأوضه كلها بالونات ،وفي آخر كل بلونه في شكولاته متعلقه ،فرحت جدًا ، وكان مكتوب علي الحيطه marry me yasmenty وعمر لقيته طلع من ورا المكتب ،وماسك علبه فيها خاتم جميل*
_كان يوم حُبٍك أجمل صدفه يالي قابلتك مره صدفه ،تقبلي ياياسمنتي تكوني مجنونتي

_إي مجنوننتي دي ماتنقي ألفاظك يا أخي ،دا حتي الملافظ سعد

_المحافظ سعد مين

_سخيف أوي أنت

_المهم هتقبلي تكوني حرم الدكتور عمر الدمنهوري

_أمممممم سيبني أفكر

_لا معندناش حد يفكر إحنا ،وبعدين أنت تطولي

_لي يعني كنت عمر ابلكجي

_لا أحلي طبعا ،ها موافقه ولا نشوف البت نوسه بنت خالتي

_خلاص موافقه دا انت تنح

_أحبك وانتي مطيعه يا ياسمينه قلبي