قصة في عشق البحر

انا مريم بحب البحر جدا، بحس معاه بالراحه، هو اقرب اصحابي ليا، بل هو صحبي الوحيد اصلا،

_يلا ي مريم مامتك بتنادي عليكي عشان انتو خلاص مسافرين

_حاضر ي مروان جايه اهو

دا كان مروان ابن خالتي، هما عايشين في اسكندريه، وانا بحب اجي عندهم عشان اقعد علي البحر، لان بيتهم بيبص علي البحر، مروان هو تاني افضل صديق ليا بعد البحر، هو اكبر مني بسنه واحده بس،

قمت وودعت البحر، وكنت زعلانه جدا بس خلاص هانت كلها شهر وهاجي الكليه بتاعتي هنا في اسكندريه وهقعد عند البحر براحتي

_ جيت ي ماما يلا بينا

_مش عارف بنتك ياخالتو بتحب البحر كدا ليه،هي اصلا بتيجي اليكس عشان البحر مش علشانا

_بحبه ي مروان وانت عارف،يلا ياماما عشان معاد القطر

 ودعنا انا وماما خالتو ومروان،ومشينا من عندهم،وكنت مستنيه الشهر دا يعدي بفارغ الصبر عشان اجي للبحر تاني

، كنت حاسه ان الشهر طويل جدا مش عارفه ليه، بس كان بيعدي وانا استغليته وانا بحضر حجاتي الي هسافر بيها، كنت فرحانه لاني حققت حلمي وبقيت دكتوره ودا كمان كان حلم ماما وبابا، خلص الشهر ورحت عند خالتو

_ اذيك ي مريم،ياتري جايه علينا علطول ولا رحتي لحبيبك الاول

شاهد: قصة الحبُّ المقدس

_انت بتسأل اسأله غير منطقيه ي مروان اكيد روحت علي حبيبي الاول،فين خالتو

_نزلت السوق هتجيب حجات،ادخلي اوضتك جاهزه،وكمان قعدناكي في الاوضه الي بلكونتها علي البحر

_ شكرا ي مروان 😍

كانت احلي ايام حياتي دي تقريبا،كنت بنزل قبل محاضراتي بساعه اقعد علي البحر،وبعد كدا اروح المحاضرات بتاعتي وارجع اجيب خالتو ومروان ونتغدي علي البحر،كنت فرحانه جدا

_ماما انا من رأيي نخطب مريم للبحر

_بطل براده ي مروان ،شفتي بيقول ايه ي خالتو

_ماانتي يابنتي اغلب وقتك علي البحر

_برتاح معاه ي خالتو

_ماشي ي حبيبه خالتك،صحيح نسيت اقولك ان نور ابن جارتنا عايز يخطبك

_يخطب مين ي ماما،لا مريم لسه صغيره ومش هتتخطب دوقت

_ماتسيبني اقول رأيي هو هيخطبك انت ولا هيخطبني انا

_لا انا قررت خلاص انتي مش هتتخطبي دوقت

_بصي ياخالتو بيقرر مع نفسه هو العريس ليا ولا ليه

خالتو كانت بتضحك علينا لان احنا مهما كبرنا هنفضل ناقر ونقير وعمرنا مهنعقل، بس مش عارفه ليه كنت حساها فرحانه بحاجه كدا، انا رفضت نور ودا بناءا علي طلب استاذ مروان، وانا كمان مكنتش بطيق الي اسمه نور دا اصلا

عدت سنين الجامعه خلاص، وتخرجت وكنت رايحه اودع حبيبي لاني مش عارفه هرجعلوا تاني امتي، رحت لقيت الشط مليان ورد ونور جميل، وفيه ورد علي شكل قلب في النص، رحت وقفت فيها لقيت مروان جه وقعد علي رجله وكان بيضحك وبيقولي

_ايه رأيك تكملي حياتك مع البحر اولا ثم معايا ثانيا

كنت واقفه مصدومه، وفرحانه جدا، ومش عارفه ارد اقول ايه، بس في الاخر رتبت افكاري

_امممم، موافقه، مش عشانك علي فكره لا دا عشان البحر 💙🌸•