رواية الإدمان ليس له نهاية

_كفايا يا بني صحتك هتروح علي الهباب اللي بتشربه ده _بص فكك مني متطيرش الدماغ اللي انا عاملها الكلام ده مش بياكل معايا _يا حسام انت مكنتش كده عاوزك ترجع يصحبي الطريق ده اللي بيروح فيه ما بيرجعش.

_انا يا سيدي حر مش عاوز ارجع انت مالك ولو هتعد تكلم كتير في الحوار ده انا همشي _ربنا يهديك يا حسام مش هقولك غير كده وانا ماشي يصحبي الكلام معدش ينفع سلام

_راح زي ما كله بيروح حتي انت يا نادر زهقت مني والله مش بأيدي انا بحاول بس مش عارف انا مش وحش مش عاوز ابقي مدمن ياريتني معرفت الناس دي ياريتني مشوفتهم _ياريتك يصحبي لحقتني من زمان سبتني أغرق وجي دلوقتي تفوقني ازاي _ساعات بتمني لاقي ايد تساعدني وتشدني من الوحل ده لكن كله شايفني وحش كله بيزعقلي وبس محدش فهمني.

_باين عليا اتجننت قاعد بكلم نفسي ده اللي ناقص لقيت واحدة كانت علي الترابيزة اللي جمبنا وقفت قدامي وكانت مدمعة استغربت اوعي اكون اتكلمت بصوت عالي وانا مش واخد بالي! ______

_كنت أعدة مستنية صحبتي ولفت نظري اتنين صحاب بيشدوا مع بعض وكنت سامعة بيقولوا اي علشان الترابيزة بتاعتهم كانت قريبة ولقيت واحد مشي والتاني اتكلم وتقريبا مش واخد باله اني سمعاه _عيني دمعت كلامه أثر فيا اوي حسيت نفسي مكانه وبغرق ومحتاجة حد يساعدني، ونسيت قولكم اني واخدة كورسات تنمية بشرية وعن الإدمان فركزت اكتر علشان اساعده بس اول مرة اتأثر بكلام حد كده حسيته موجوع من الوحدة اكتر من الإدمان لقيت نفسي روحت عنده وانا مصممة اني اساعده.

_افندم انتي مين؟ _انا شهد واحب اقولك انك هتشوفني كتير الفترة دي _انتي اكيد متلغبطة مع حد تاني انا معرفكيش _عارفة ولا انا أعرفك بس انا اسفة اني سمعتك بتقول اي وانا حابة اساعدك بجد _لا شكرا انا مش عاوز شفقة من حد وياريت ملكيش دعوة بيا وروحت واخد مفاتيح عربيتي وماشي لقيتها بتجري ورايا لحد العربية

_ لو سمحت لو سمحت والله ما شفقة ده شغلي اصلا وانت عاوز تطلع من الوحل اللي انت فيه وانا هطلعك بس حط ايدك في أيدي _اي ومش خايفة مني اموتك مثلا ما انا مدمن بقا روحي يا بنتي شوفيلك حد تاني لقيتها ابتسمت انا شكيت فعلا انها هبلة اصل مفيش واحدة وبنت تروح تعالج مدمن وهي عاقلة

_خلصت اولا انا مش خايفة ومتقولش ازاي بس انا حسيتك كويس وانا واثقة اني هنجح وانت هتنجح وتبطل أدمان جربني مش هتخسر ويا سيدي اعتبرني هبلة وخدني علي قد عقلي _اللهم طولك يروح يبنت الناس انتي مصممة كده ليه سبيني في حالي وكنت هفتح باب العربية وامشي لقتها قفلته بأيديها _انا بكلمك متسبنيش وتمشي فاهم انا هساعدك وانت هتوافق وهتتعالج وتخف ارجوك خليني اساعدك ارجوووك. اي البت الغريبة دي كانت أول كلامها متنرفزة بعد كده بقت هادية وبتبصلي باصة خلتني غصبن عني حركت راسي بأني موافق وانا مش عارف انا بعمل اي بس حسيت ان ممكن يكون ربنا بعتهالي علشان تخرجني من اللي انا فيه

_شكرا شكرا انك وافقت ومش هتندم والله وانا معاك لآخر الطريق هات موبايلك بقا _عايزة تاخدي رقمي والله انا مش حاسك دكتورة ولا حاجة وبتشتغليني _ها ها خفة هات بص انا كتبت نمرتي ورنيت علي نفسي من عندك علشان مضمنش انك ترن عليا وتكون بتضحك عليا وده الكارت بتاع المركز اللي انا شغالة فيه بكره الساعة ٩ الصبح تبقي عندي وانا هرن عليك واه انا زنانة اوى يعني هتيجي هتيجي.

شاهد:رواية نجوم الظهيرة بقلم علي نمر

_ما انا ممكن مجيش متأكدة ازاي اني هاجي ومش هضحك عليكي _هتيجي انا عارفة انا واثقة فيك يلا سلام بقا علشان صحابي جم مشت وسبتني في حرتي هو في ناس كده بجد عاوزة تساعدني وهي متعرفنيش بس ده شغلها بس ميمنعش انها اقنعتني وحبيت كلامها انتي اي حكايتك يا شهد معايا هنشوف هيحصل اي..

__________ صحيت تاني يوم علي رنة التلفون _اووف مين اللي هيصحيني بدري ده _الو _اسمها السلام عليكم يا استاذ باين هعلمك حاجات كتير يلا اصحى كنت متأكدة انك نايم قدامك ساعة افطر وجهز نفسك وانا مستنياك يلا في رعاية الله انا اعدت شوية استوعب اني صحيت وهي مدتنيش فرصة ارد وراحت قافلة بس ابتسمت تلقائي لما حسيت بأهتمامها قومت فطرت زي ما قالتلي وجهزت نفسي وحسيت اني نشيط اخدت مفاتيح العربية ونزلت..

لو سمحت هنا مركز علاج الأدمان؟ ايوه اتفضل يا فندم معاك حجز _ايوه الدكتور شهد لو سمحتي _حضرتك حسام قالتلي ادخلك لما تيجي اتفضل دخلت معاها ووصلتني ومشت _

اهلا يا استاذ حسام المكان عجبك بصتلها بستهزاق _اه اوي مقولكيش _ما علينا بنبرة السخرية دي اتفضل اعد دلوقتي هنعمل تحليل دم علشان نعرف كمية المخدر في جسمك وعلي الأساس ده هنشوف انت محتاج قد اى فترة علاج جالي صداع جامد فاجأة افتكرت اني مخدتش بودرة النهارده لدرجة دي نسيت كلامها نساني _حسام روحت فين _ اه اه معاكي جريت عليه عرفت من عنيه وحركة ايده انه محتاج مخدر _

انت نسيت تاخد المخدر النهارده واكيد هتتعب ثواني روحت جبت حقنة لحاجة تصبره علشان ميتعبش وفي نفس الوقت احسن من البودرة ادتهاله ولقيته ارتاح وخدت منه عينة الدم وروحت اوديها لمعمل التحاليل.

_________بعد فترة _ممتاز انت مبقالكش كتير بتدمن وده في صالحنا وهيكون علاجك أسرع بس انت متيأسش وساعدني _يعني هتعملي اى دلوقتي _بص حاليا هكتبلك علي مسكن كل ما تحس انك تعبان خده بس ما تستعملهوش كتير في اليوم وكل يوم هنقلل لحد ما تبطل تاخده خالص وبعد شهر أو شهر ونص نعمل تحاليل تاني ونتأكد انك خفيت.

_الأيام بتعدى وكانت صعبة اوى وفي نفس الوقت حلوة علشان اتعرفت على شهد الصراحة فكرت كتير ارجع للبودرة تانى بس شهد مكنتش سيباني ودايما بتديني الأمل وساعات كنت بعافر علشانها معرفش ليه بس ثقتها فيا وكلامها معايا بيشجعني بقيت بحب الكلام معاها وكمان خلتني ارجع صلي وشرحتلي حاجات كتير اوي استفدت منها شهر ونص عده شهر ونص وانا بعافر، شهر ونص عذاب وتعب شهر ونص تعبت نفسيا وجسديا بس كله يهون علشان ارجع زي ما كنت وأثبت لشهد اني هنتصر جه يوم نتيجة التحليل _مستعد يا بطل _ما تنجزي يبت بقا _دلوقتي بقيت بت ماشي ماشي اخدت عليا اوي انت _طب نشوف الحوارات دي بعدين افتحي الظرف النتيجة هي _انك خفيت يا بطل.

_عارفين لما يبقي في حجر وحمل علي قلبك واتشال واخيرا هعيش حياتي طبيعي ومش هخلي المخدرات تتحكم فيا اخيرا _اي يا حسام روحت فين للدرجة دي الفرحة صدمتك _ انا فرحان اوي يا شهد انتي السبب بعد ربنا طبعا اني انتصر علي الإدمان انا مش عارف لو مكنتش قابلتك كنت هعمل اي _كنت هتلاقى اكيد اللي يساعدك غيرى انت كنت اهم سبب في نجاحك ده انا ساهمت بس وانت اللي اشتغلت انا سعيدة جدا اني اتعرفت عليك وان شاء الله نكون على تواصل اوعي بقا متكلمنيش _ مكلمكيش اى انتي مش عارفة مكانتك عندي _شهد _نعم _تتجوزيني؟