قصص وروايات
بني العمائم قصة غموض مثيرة
بني العمائم يهوى الغموض وينقش فوق الجدران ما لا يفهم، يتباهى بعفن جلده وثيابه المهترئة، يخيفك شبح ابتسامته فما بالك بعبوس وجهه! ذاك هو الساحر يا سادة.
في اللهجة المصرية كُتِبتَ قصة ” أولاد العمائم “
بقلم الحاصل على المركز الأول في التأليف المسرحي لثلاث سنوات في مصر والحاصل على أفضل مؤلف صاعد في مصر / أحمد زكريا رخا
بني العمائم
– ايه الحر ده
“مسحت العرق من علي جبيني بصيت يميني .. لاقيت خمس اجسام سودا ضخمه بالتقدير طولهم قرب ل3 متر .. مقدرتش احدد ملامحهم لكن ودانهم مسحوبه اقرب لودان(خفاش) وعلي شمالي لاقيت واحد بجلابيه دقنه طويله قدامه كتاب قديم اوي , حاولت اقف مقدرتش وقعت علي وشي .. حسيت بالم فظيع”
-انا فين
“الراجل رد بصوت متقطع”: انت في المكان اللي المفروض تكون فيه
– ايوا يعني فين
“بصلي باستحقار وقالي : في اراضي قبيلة بني العمائم
– يا نهار اسود
” حسيت برعشة في جسمي .. لكن الحر بيزيد .. الاجسام بدأت تتحرك .. فجأة صوت غريب ظهر وكأنه صوفيين بيتضرعوا .. الصوت بيعلى .. مبقتش قادر استحمل , حاولت اسد وداني لقيت جسم من الخمسة اتحرك وكتفني الصوت بيعلى .. الصوت كان .. الصوت كان ده
الدجال بدأ يتكلم بصوت خشن جدا : انت القديم في الازل .. فنينا وغيرك لما يزل
“كرر نفس الجملة كتير وصوته بيعلى اكتر .. وبيخشن اكتر .. مبقتش قادر استحمل الصوت الدجال صوته وحش والتضرع صوته بيعلي .. وفجأة …
المكان : بيتنا المتواضع عزبة البرج .. شارع التل حول بني العمائم
الزمن : 23 مارس 2008
– بابا .. النهارده عيد ميلادي .. وانت عودتني انك تحققلي طلب كل سنه
“بصلي بفرحة اي اب في عيد ميلاد ابنه الوسطاني .. مش هقدر اوصفها .. اعذورني انا مكنتش اب 💜”
بابا : وامنيتك السنادي ايه
-بص هو انا مش عااوز حاجة غير اني اعرف .. لبتاع اللي في اوضتك اللي ديما تقولنا محدش يجي جنبه ده .. ايه ده
بابا : بتاع ايه !
-اللي ملفوف ده
بابا : امم .. اظن انت كبرت كفايا علشان تستوعب اللي هقوله .. بص يا سيدي .. اللفه دي فيها كتاب جدك الله يرحمه كان بيستخدمه في السحر .. اصل الله يرحمه كان دجال زي عمك كده .. لكن جدك كان طيب علشان كده مرضيش يعطي الكتاب ده لعمك .. واللفة دي هي عهد صلح مع بني العمائم
– مين دول !!
بابا ابتسم : هيجي يوم وتعرف لوحدك
شاهد: سفينة في عرض البحر
الزمن : 5 يناير 2012
بعد محاولات كتيرة جدا علشان اقدر اخد الكتاب .. نجحت واخدته اوضتي
– ايه اللفة دي !!
وقتها افتكرت كلان ابويا .. “واللفة دي هي عهد صلح مع بني العمائم ” …
الكتاب كان جوا قماشة لونها اتغير من الزمن والتراب اللي عليها .. االقماشه معمول عليها اربع عقد مربوطين بسلك متعلق عليه ورقة قديمة جدا .. كان مكتوب عليها كلام غريب مفهمتش منه غير “النبي صلي الله عليه وسلم” 👇
مقدرتش افك اللفة .. دخلت المطبخ واخدت سكينه .. نبض قلبي بيذيد .. نفسي فجأة بقا سريع
– انا خايف ولا ايه .. ايه اللي هيكون في الكتاب يعني .. وبعدين ما شيطان الا بني ادم .. توكل علي الله كده يا عم احمد وصلي ع النبي
دخلت اوضتي وبدأت اقطع القماشة .. كانت اجمد مما توقعت لكن مبطلتش احاول .. الورقه وقعت علي الارض .. فجأة حسيت الدنيا بتلف بيا .. بتنفس بصعوبة .. و صورتي مش في المرايا .. لكن لاقيتك شكل غريب .. جسم اسود عريض .. كله اسود مش باين منه ملامح مكان عنيه فرااغ !!!
حاولت اصرخ صوتي مطلعش .. حركتي اتشلت مبقتش قادر غير اني اتنفس بصعوبه واحرك عيني .. افتكرت دعاء بابا كان محفظهولي “اللهم اني كفرت بنفسي وامنت بك كل اما تحس انك خايف قوله .. ربنا هيحميك” .. الجسم خرج من المرايا .. غمضت عيني و بكل قوتي صرخت بالدعاء .. فقدت الوعي ومحستش بالدنيا غير وبابا بيفوقني بني العمائم.
بابا : انت كويس
-دايخ شويه
بابا : انا قولت كام مرة متجيش جنب الكتاب ده
-اسف يا بابا انا بس …
بابا: مبسش .. انا هبعد الكتاب ده عن البيت خالص .. وهببقا كده اريح للكل
بابا خد الكتاب ونزل .. سمعته بيقول ان هيوديه لواحد صاحبه .. لكن بابا مخدش باله من الورقة اللي كانت علي القماش .. وانا دخلت اوضتي وصممت افهم اللي في الورقة
الزمن : 22 اكتوبر 2015
الساعة 12 بليل .. النور مقطوع .. وعلي كشاف الفون كنت بفك الطلسم .. 3 سنين بدرس كل حرف .. كل طريقة اتعملت لكتابة الطلاسم .. الحروف الرقمية والحرف المرسومة .. 3 سنين بعافر واخير وصلتلها .. مسكت القلم وبفك الطلسم
وكانت النتيجة
” بسم الله عهد بني الانسان مع معشر الجان بشرع ما انزل علي سليمان ..
اما بعد فالنبي صلي الله عليه وسلم .. نشهد له بالرساله ولله بالوحدانيه … ولنا في القصاص حياة .. فقد طغي علينا الساحر سيد بن مصطفي ال رخا .. وقتل عمدا قاصم بن داعم من بني العمائم .. وقد اقام الشيخ عهدا بيننا .. ففي نفس هذا اليوم عن استقامة الكواكب باذن الله الغالب و اكتمال القمر .. سيقع القدر .. وينفذ القصاص علي اصغر احفاده الذكور .. وتترك باقي العائلة حرة .. وانا ان تقام الحرب بين العمائم وبأسها والعائلة باسره .. الله الله الله “
ترجمة الارقام كانت لاسم الله الحق والمنتقم لكن الرسمة مفهمتهاش !
– الله يخربيتك يا جدي يعني علشان تعيش تموت احفادك .. احفاده .. احفاده ايه .. ده عني التاني متجوزش .. وعماتي مخلفوش غير بنات ده حفيده الموجود ده انا !!!!
انتهي الجزء الاول من قصة بني العمائم.
